تعالوا شوفوا بعض من الكلام المنتشر ومعانيها

السلام عليكم ورحمة الله وبركاته

كلمات عامية .. ومعانيها

الدلخ : وهذاا إنسان غبي جداااا.ويرفع الضغط ....وينرفز

المنسم : كل ما مريت عليه تسمع صوت سسسسسسسسس و ذلك راجع إلى
تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس
رأسه في سطل موية عشان يعرف من وين التنسيم .

المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ...

الدايخ : من نفس فصيلة المنسم !

السلنتح : قليل الأدب

جحلط ( بتشديد اللام ) : وهم مرحلة متقدمة للسلنتح

مزّلب : يعني بايعها بتراب !

مقلع : يعني طاير في العجّة وهو ما عنده ما عند جدتي , يعني بالعربي الفصيح من

جنب العارضة

المفهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف

عمره و تفاعل معك رد عليك و قالك : هاه

الفاغر : هو الشخص الي ما تتكل عليه بشي ابد

الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له

عشان تصرفه عن الموضوع حقه ينشب في حلقك لين يأخذ منك اللي يبيه .

العلة : هذا اللي ما تأخذ أنت منه أي شيء و لا عنده استعداد انه يسمع منك مهما

حاولت وهو كالمرض يعلك لين تنفقع مرارتك منه......

العربجي : يظن معظم الناس أن العربجي هو الشخص الشديد حق المشاكل و اللي ما

يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط

مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم

فاتح صدره و رازه على فوق و كانك ولد أبوك قله شيء بس . لكن في الآونه الأخيرة

ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدر موثوق من عائلة العرابجة بأن
هذه إشاعة مغرضة أطلقها عليهم أحد الخكاري...

المرجوج : هذا ما عمره صلح شيء صح في حياته ما يمديك تفتح فمك إلا و طار في

العجة بدون ما يفهم وش السالفة.

القلق : هو اخو المطفوق ولكن يزيد عليه بأنه مفهي على شوية غباء وأسئلته دايما غثيثه

المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه )
برجله وهو مايدري ,, ولا تخليه يمر بجنبك وانت معك صينية فيها بيالات
لأنه لازم يطيحها بيده أو بكتفه ..!! أيضا لاتخليه يصب قهوة لضيوف لأنه
لازم يكب القهوة على ثوب واحد منهم..!!!!!.....

السربوت : هذا اللي ما يخلي مكان ما يروح و قد كان الأولين يطلقون
لقب السربوت على من يشرب الدخان لكن الحين الله يخلف الناس تدخن
بيديها و رجليها و لحد يقول

لهم شيء.

الزاحف:وهو من نفس فصيلة السربوت ودشر وما يدخل البيت إلا آخر الليل .

الداشر : هذا قليل الأدب و لا يحب يماشي إلا السرابيت . و إذا قيل فلان دشر فلان أي

خرب أخلاقه .

الملكع : أما هذا فيعرف حتى السكن(اي الجن ) و مقطع السمكة و ذيلها و مهما تحاول

تلف و تدور معه تراه فاهم و عارف وش تبي بالضبط فلا تتعب نفسك معااه.

زعّيط : مسوي نفسه يفهم في كل شيء وهو من جنب العارضة(مايدري وين ربي

قاطه).

المصرقع : هو كل شخص ما يهمه شيء و اللي يطري على باله بيسويه لأنه ماخذ

الدعوة سعة صدر و هبال ...

المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش....

الخكري : ببساطة الخكري = نعومة + دلع + ليونة والله لايبلانا... ويا كثرهم
بالووقت هذ1 .

اللزقه: هذا الشخص اللي على طول معك وقدامك ووراك وكل شي وتطلع مع الباب تلقاه

تركب في السياره تلقاه يطق القزازه وهاكذا.

البكاش : أي الكذاب حشاكم واي كلمه في راسه يطلعها ولا يهتم بأفعاله سواء كانت صح ام خطء .

الجنط : من فصيلت الدلخ.

المروح: هو المتكبر و اللي نفسه شينه وشايف نفسه وطالع بالعجه فوق وما عنده سالفه ومكرووه من الجميع

واللي عنده زياده ترى عادي نستقبل

تعالوا شوفوا بعض من الكلام المنتشر ومعانيها 8c8f43e17c

الله يعطيك الف عافيه

تقبل مروري وردي