غيآبك ضيق آلخآطر وولع في حشآي آلنآر

غيابك ضيق الخاطر وولع في حشاي النار
وديرة ما بها زولك عسى الله ما يعمرهــــا

رحلت وما تركت لصاحبك موعد ولا تذكار
رحلت ومن رحلت وهالدموع العين تنثرهــا

حرام تروح وتخلي تدور في رأسي الأفكار
حرام تروح دنيايا ما أحد غيرك ينورهـــــــا

نسيت انك قبل مدة تقول انك علي تغار
وروحك من سجن روحي ما أحد يقدر يحررها

وكنت تقول لايمكن علاقتنا ترى تنهار
ولايمكن مشاعرنـــــــــا بني آدم يغيرهـــــــــــا

وكنت تقول من دونك أبد ما يكمل المشوار
ولو غبت عــــــن عيوني تــــــرى تفقد نواظرها

ابعرف كيف تتركني وش اللي من ورايه صار
وابعرف كيف بسهوله عـــــــلاقتنا تدمرهــــــــــا

تغيب وما تبرر لي سفرك وغيبتك بأعذار
مع انه مــــــــــا به أعذار لها الغيبة تبررهـــــــــا

أنا بعدك ترى ما أقدر اواجه قسوة الأقدار
ولاحتى ترى أقدر حــــــــــياة الهم أسايرهــــــــــا

طعنت بخنجرك صدري لك الله بس يا غدار
وجروحك حيل أهانتني وصعب اني امررهــــــــــا

اذا أنته ما تبي عسى قلبك يولع نــــــــــــــار
وعسى ديـــــــــــرة تجي فيها عسى الله ما يعمرهـــــا